•Tysdag 1. mai
Britt tok ein ettermiddagstur til Vona i dag for å sjå kor langt våren hadde komt der inne. Det var ein fin "vårskitur", fint føre og knallfint ver. Det er fortsatt snø frå parkeringsplassen, og i terrenget rundt Vonavatnet er det enno 40-50 cm snø, noko mindre på solsida og ein del tøyeflekkar rundt hyttene. Det gjekk fint å gå over vatnet, det var fast og fin overflate på isen og ikkje vatn langs med land. Men dersom mildveret fortset, vil nok topplaget bli dårleg etterkvart. Bilder i galleriet.
_______________________________________________________________
•1. påskedag 8. april
Opphaldsver, vindstille og -6 grader kl 08.30. Har sett sola i dag, og den kjem nok fram att i følge vermeldinga. Nok ein dag med fine turforhold. Skiføret held seg bra, og det er fortsatt tørrvoks som er skismurning. Det er løyper mot Longevasstranda og Blåfjellet, og oppe i høgda er det laus snø.
Dette blir siste oppdateringa av Vonaportalen denne påska. Vi reiser nedatt i bygda i dag. Takk til alle som har fulgt med på portalen i vinter, håpar det har vore til nytte. Framover blir det meir sporadiske oppdateringar, men vi kjem tilbake med meldingar om isforhold og "båtføre" i mai.
________________________________________________________________________
•Påskeafta 7. april
Lettskya, sol i fjella rundt. Vindstille, -6 grader. Skareføre i hellingane der sola fekk godt tak i går. Ellers er det fortsatt tørr snø oppå gammal skare. Har observert ein skiløpar som skøyta lett over vatnet i dag tidleg. Blir fint føre utover dagen når sola får litt tak.
Gårsdagen var fantastisk fin. Utfartsrekord denne påska, og det var etterkvart utfordrande å finne parkeringsplass. Ver ute i god tid, så får du parkert. Det blir nok ein ny fin dag idag i følge vermeldingane.
Bilder frå tur til Longevasstranda i går i galleriet.
________________________________________________________________________
•Langfredag 6. april
-2 grader, vindstille. Sola er i ferd med å bryte igjennom, det kan bli ein fin dag. Det har komme eit tynt snølag i natt, litt utfordringar å smørje skia for nysnø i april. Ut på dagen blir snøen kram og annan smurning må til. I går ettermiddag var rød voks det beste.
Det er fin laus snø i terrenget og det er fint å gå og renne overalt. laget med nysnø er no berre 6-7 cm oppå skaren. Vermeldinga er svært bra for dagen i dag, vi håper den stemmer. Ut i marka folkens:)
________________________________________________________________________
•Torsdag 5. april
Lette snøbyger, -2 grader, vindstille. Det har komme 2-3 cm snø i natt. Scooterløypene på Vonavatnet vart oppfriska i går og det er eit bra løypenett no. Innover dalen mot Godtdalen er det gode trakka løyper.
Det var også ein fin dag i går, og mykje folk innover på ski.
_________________________________________________________________________
•Tirsdag 3. april
Fantastisk dag på Vona. Sol og vindstille, og veldig fint i solveggen.
I skuggen er det litt kjølegare, + 3 grader på det meste i dag. Det har komme ein del nysnø, men ikkje meir enn 10 cm nede i Vonaområdet, så det er lett å gå. Nypreparert løype inn til vatnet og Røde Kors har køyrt scooterspor på Vonavatnet i fleire retningar. Veldig bra. Puddersnø og fint å renne overalt. Mykje folk var innover i dag og fekk ein fantastisk dag. Sjå bilder i galleriet.
Ny oppdatering av Vonaportalen frå torsdag morgen og kvar dag framover kl 09.00.
Har lagt ut nokre bilder som Rolv Herstad tok i dag på tur til Longevasstranda. (Lagt ut etter løyve frå Rolv).
_________________________________________________________________________
•Søndag 1. april
Tett snøver og litt vind. Det har komme 10 cm snø i natt. Ikkje den starten på påska som vi kunne håpa på, men vi håpar på betring. 0 grader kl 10.30, klabbeføre dersom ein har den minste rest av klister under skia slik underteikna hadde i dag. Fast og fint underlag både på vatnet og i terrenget. Underlaget har frose litt før det kom nysnø. Sjå "Ismelding" i margen til venstre for detaljar om isen på Vonavatnet.
_________________________________________________________________________
•Fredag 30. mars
Har hatt ein kveldstur inn på Vona. Lette snøbyger og ca 0 grader. Det har komme eit par cm nysnø i dag. Løypa til Vonavatnet var nypreparert og fin. På vatnet er det fast og fint å gå, spesielt i dei gamle scooterspora. Litt nattekulde held føret bra, ingen endring sidan sist helg. Dette lovar bra for påskehelga. Har kontollmålt isen inne ved Vona og ute ved Leite. Inne ved Vona er total-tjukkelsen 80 cm og ute ved Leite ca 1 m. Solid og fast is 50-60 cm i botnen, oppå der eit lag med tjukk sørpe, og på toppen 5-10 cm med skare. Så det er uansett trygt å ferdast på isen lenge enno. Men elveosane har opna seg, og dei må ein halde seg langt unna.
Vonaportalen blir oppdatert ca annankvar dag no i starten på påska, og så ser vi litt veret an om vi blir fast på hytta frå tirsdag/onsdag.
________________________________________________________________________
•Søndag 25. mars
Overskya, litt disig. +1 grad kl 08.30. Det har ikkje vore kuldegrader i natt, så det er ikkje skare. Det betyr bra skiføre, rødt klister fungerer fint. Det er meldt litt lettare ver ut på dagen.
I går var det mykje folk innover, det var ein av dei finaste dagane i fjellet denne vinteren.
_________________________________________________________________________
•Lørdag 24. mars
Sol, +1 grad kl 08. Det har vore frost i natt slik at det no er skareføre. Når sola får litt tak, blir det bra skiføre av dette. Nyt dagen i fjellet:)
_________________________________________________________________________
•Fredag 23. mars
Nydeleg veir, sol og 6 grader. Nykøyrd løype inn til vatnet. På vatnet er det fint føre, foreløpig held topplaget bra. I terrenget er det litt mjukare, men likevel fint å gå. Anbefaler rødt klister dersom ein ikkje startar tidleg, i så fall er universalklister bra.
Bruk sjangsen denne godvershelga til ein tur på ski la det bli ein "tjuvstart" på påska.
_________________________________________________________________________
